FADEMGA - Plena inclusión - Galicia Novas

  Máis Novas

Listen to this page using ReadSpeaker

Plena inclusión aposta por dous Youtubers para normalizar a discapacidade intelectual entre os máis novos

Mario e Héctor apenas teñen 20 anos, son amigos e queren ser recoñecidos youtubers…. Seguro que non che soa a nada novo, pero fainos caso: esta é a noticia, aínda que en realidade non debería sela.

Dá a casualidade de que Mario ten discapacidade intelectual, e iso quizá o cambia todo. Plena inclusión proponse axudar a Mario e a Héctor a conseguir o seu soño como forma de normalizar a discapacidade intelectual entre os máis novos.

Para iso lanzamos a campaña #QuéEstáPasandoAquí, na que gravamos con eles dous vídeos para promocionar a súa propia canle a través das redes sociais. Con esta iniciativa, a organización pretende achegarse a este sector da poboación usando os seus mesmos códigos e canles.

FADEMGA Plena inclusión e SERGAS, premiados pola súa colaboración na adaptación de postos de traballo a persoas con discapacidade intelectual

Sanitaria 2000, empresa editora da diario Redacción Médica, celebrou este xoves a entrega do III Premios Redacción Médica á Sanidade Galicia. A cita tivo lugar no Hotel Oca Porta do Camiño de Santiago de Compostela, e nela participaron  profesionais do sector sanitario de toda a Comunidade.

Durante a gala, FADEMGA Plena inclusión Galicia e o SERGAS resultaron premiados na categoría "Acción en RSS", pola súa colaboración na adaptación de postos de traballo do Sergas a persoas con discapacidade intelectual. Os outros nomeados nesta categoría eran o proxecto de terapia musical "Un mes, un son" do Hospital Montecelo; os bancos de leite materno do Sergas e o horto solidario no Hospital Lucus Augusti.

Máis de 800 persoas con discapacidade intelectual piden un maior compromiso coa Accesibilidade Cognitiva en Concellos de toda España

Baixo o lema “Dálle unha volta”, máis de 800 persoas con discapacidade intelectual de 7 comunidades autónomas -entre elas Galicia- reuníronse con alcaldes e concelleiros para reclamar un maior compromiso das administracións locais coa accesibilidade cognitiva. En Galicia, esta acción reivindicativa foi respaldada por 79 persoas con discapacidade intelectual, das asociacións Amicos, Nosa Señora de Chamorro, Aceesca, Centro Juan María e a Asociación Juan XXIII.

Nesta acción, as persoas con discapacidade intelectual leron un comunicado e entregaron un documento reivindicativo no que explican non só o que é a accesibilidade cognitiva, senón en que áreas da súa vida é necesaria, porque “sen accesibilidade, non podemos exercer os nosos dereitos como cidadáns.

Pereiro de Aguiar otorga a FADEMGA o "recoñecemento especial" polo seu labor no centro

Manuel Seoane Mera, técnico do Programa de Reclusos e Cidadanía Activa da federación, recibiu o pasado 22 de setembro, o "Recoñecemento especial" na prisión de Pereiro de Aguiar, coincidindo coa celebración do Día da Merced.

Este premio otórgase por resolución da Secretaría Xeral de Institucións Penais a entidades colaboradoras na reinserción de persoas privadas de liberdade, así como á contribución á mellora da actividade penal.

Profesionais de FADEMGA participan no “Foro Emprego con Apoio Euskadi” falando sobre a experiencia da federación no eido do emprego público

Os profesionais da Área de Emprego e Formación de FADEMGA Plena inclusión Galicia Paula Álvarez e José Manuel Fernández, participaron como poñentes este martes no Foro ECA – Euskadi, acompañados polo xerente da Federación, Antonio Fuentetaja, e polo director de Plena inclusión Enrique Galván.

Poñemos en marcha a 6ª Edición da Sesión Clínica

Chega a FADEMGA unha nova edición da Sesión Clínica, que este ano terá lugar o vindeiro 10 de outubro, no Centro Empresarial do Tambre (Vía Edison, 1. Polígono Industrial del Tambre. Santiago de Compostela).

Nesta xornada contaremos co apoio e asesoramento do psiquiatra Luis Docasar Bertolo (Xefe de Servizo de Psiquiatría da Estructura Organizativa de Xestión Integrada (EOXI) Ourense Verín e o Barco de Valdeorras) para a abordaxe de casos nos que nos somos capaces de ofrecer unha resposta efectiva.

As UDS de Emprego e Centros Ocupacionais reúnense para comezar a coordinar as actividades do último semestre

O pasado martes, responsables das UDS de Emprego e Centros Ocupacionais da Federación, reuníronse para comezar a coordinar as actividades que se desenvolverán na federación durante os próximos meses. Entre estas actividades que se están a poñer en marcha cabe destacar a organización dunha xornada sobre a implantación do modelo de ocupación e emprego para persoas con discapacidad intelectual de Aedis en Galicia.

Convivencia Formativa de irmáns… Participa!

Os pasados 8 e 9 de setembro, irmás de ACEESCA, ASPANAEX e ASPADISI, así como a propia Federación, participaron nunha formación presencial organizada en Plena inclusión, e que forma parte do “Proxecto de familias e renovación asociativa” financiado por Bankia.

Participamos nunha reunión coa Unión de Consumidores de Galicia (UGCAL) para debater sobre o futuro das estacións de servizo desatendidas

A Unión de Consumidores de Galicia (UCGAL) convocou este xoves unha xuntanza con representantes de FADEMGA Plena inclusión Galicia, da Confederación Galega de Persoas con Discapacidade (Cogami), e dos tres sindicatos de traballadores: Comisións Obreiras (CCOO), UGT Galicia e Confederación Intersindical Galega (CIG); para tratar a situación na nosa comunidade autónoma das estacións de servizo desatendidas.

FADEMGA Plena inclusión traballa co Parlamento de Galicia para promover o emprego das persoas con discapacidade intelectual

O presidente da Federación, Eladio Fernández, o xerente Antonio Fuentetaja e profesionais da área de Emprego e Formación de FADEMGA Plena inclusión Galicia, reuníronse esta semana co Vicepresidente do Parlamento galego, Diego Calvo Pouso, así como co Letrado Oficial Maior José A. Sarmiento, para abordar distintas vías de colaboración e asesoramento ante a convocatoria dunha plaza de carácter interino na propia sede do Parlamento de Galicia.

“Queremos museos máis accesibles” seleccionada para formar parte do Congreso de Accesibilidade Cognitiva

O equipo de valoración do I Congreso Estatal de Accesibilidade Cognitiva acaba de comunicar as experiencias que foron seleccionadas para acudir a este Encontro, que se celebrará os próximos 19 e 20 de outubro de 2017 en Cáceres (Estremadura) entre as que se atopa a nosa Experiencia Admirable "Queremos museos máis accesibles". Esta non será a única representación galega no Congreso, xa que tamén estará representada a Asociación BATA a través da súa Boa Práctica "Que me pasa? Dereito á miña saúde" elaborada en colaboración coa asociación Asprodema da Rioxa.

Taller: O proceso de duelo e a discapacidade intelectual

O falecemento dun ser querido é unha das perdas máis amargas que pode experimentarse, pero non é a única, hai outras perdas que tamén pode dar lugar o duelo, por exemplo o cambio forzoso de domicilio, perdas de saúde, cambio de persoas de referencia (coidadores, monitores), cambios de rutinas...

As persoas con discapacidade intelectual ou do desenvolvemento non son alleas a estas situacións e lonxe de deixalos a marxe, debemos axudalas a superar estos momentos.

No inicio do curso escolar, Plena inclusión sitúase polo dereito a unha educación inclusiva para todo o alumnado

Para Plena inclusión, o novo modelo de Educación que substitúa á LOMCE debe orientarse ao benestar de todo o alumnado e configurarse como un sistema integral de apoios en toda a comunidade educativa, de forma que se estableza unha estreita colaboración de todos os axentes educativos en igualdade de condicións, reforzando especialmente o protagonismo das familias en todas as cuestións que afectan directamente aos seus fillos. Este sistema debe orientarse mediante principios de xustiza e solidariedade, de competencia e ética profesional, entendendo que a inclusión compete a toda a sociedade e debe servir á construción dunha sociedade máis xusta e cohesionada.

Posicionamento de FADEMGA Plena inclusión sobre terminoloxía

A linguaxe é unha ferramenta que condiciona a representación mental de calquera realidade. En relación coa discapacidade, a linguaxe reflectiu a concepción predominante en cada momento histórico, pasando de termos que se centraban na palabra “discapacidade” a centrarse na persoa. Un progreso que se debe, en gran medida, ao traballo que veñen exercendo as organizacións, administracións e os colectivos da discapacidade, co desenvolvemento de políticas inclusivas e o apoio do ordenamento xurídico no recoñecemento de dereitos.

Unha nova subvención do Concello de Vigo beneficiará á nosa área de emprego na provincia de Pontevedra

A Concellaría de Emprego, Economía, Industria, Voluntariado e Relación con Sindicatos do Concello de Vigo, relativa ao programa municipal de Subvencións para o Fomento do Emprego de Entidades sin Ánimo de Lucro, ven de concederlle á Delegación de FADEMGA Plena inclusión en Vigo unha subvención que permitirá a contratación dunha preparadora laboral/ formadora durante 3 meses, mellorando así a atención aos usuarios deste servizo na provincia de Pontevedra.

Entidades de FADEMGA Plena inclusión Galicia avanzan na Calidade Plena

O Modelo de Calidade de Vida Plena inclusión, que se sustenta na calidade de vida, calidade na xestión e a calidade ética, conta cun Sistema de Avaliación da Calidade que pretende que todas as organizacións que forman parte do Movemento Asociativo Plena inclusión sexan capaces de percorrer un camiño de mellora que os conduza cara á acreditación da calidade nos seus procesos e o avance na xestión dos seus apoios e servizos.

Froito do seu traballo pola mellora constante, as entidades de BATA, ASPNAIS, ACEESCA e ASPANANE, veñen de ser recoñecidas polo Comité de Acreditación do Sistema de Avaliación de Calidade Plena. Concretamente a asociación BATA, ven de ser acreditada na fase 2 de “Despliegue”, mentres que as entidades de ASPNAIS, ACEESCA e ASPANANE foron acreditadas na etapa 1 de “Compromiso”

6 experiencias de accesibilidade galegas participarán no Congreso Estatal de Accesibilidade Cognitiva

Plena inclusión está a promover un espazo de intercambio de experiencias sobre accesibilidade cognitiva en España, e as mellores experiencias presentaranse no Congreso Estatal de Accesibilidade Cognitiva que se celebra o 19 e 20 de outubro en Cáceres.

Dende hoxe xa coñecemos estas 108 experiencias que aspirarán a converterse en Boas Prácticas, das cales 3 son experiencias presentadas por FADEMGA Plena inclusión Galicia:

:: A adaptación da estratexia galega da discapacidade, en colaboración con usuarios de ASPAS.

:: A experiencia da nosa área de emprego "Por fin nos facilitan o emprego público"

:: E"Queremos museos máis accesibles"

Ás experiencias presentadas pola federación únense outras 3 presentadas polas entidades de ASPRONAGA a través do proxecto "Axenda cultural accesible", BATA con "Proxecto de Transformación Dixital: Doutor Que me pasa" Dereito á miña saúde" e CHAMORRO, coa "Experiencia para facilitar o acceso a información sobre a contorna e mellorar a orientación, a través dun sistema de sinais".

A prevención de abusos e violencia sexual protagonizan as novas xornadas formativas postas en marcha por FADEMGA Plena inclusión

O pasado mes de maio, profesionais de FADEMGA Plena inclusión Galicia participaban no curso de formación de formadores sobre prevención de abuso e violencia sexual, dentro do proxecto Mantente Seguro III, en colaboración coa Federación de Planificación Familiar Estatal (FPFE).

Este proxecto nacía como consecuencia da iniciativa europea “Keep Me Safe”, no que Plena inclusión participou no ano 2013 xunto coa Federación de Planificación Familiar Estatal (FPFE). Posteriormente, desde o ano 2014, o proxecto continuou baixo o nome de Mantente Seguro, con financiamento do Ministerio de Educación, Cultura e Deporte e sempre en colaboración coa FPFE.

O proxecto "Todos Somos Todos" chegou a Galicia para visibilizar ás persoas con discapacidade intelectual e grandes necesidades de apoio

A escola galega de administración pública (EGAP), acolleu onte en Santiago a terceira xornada do proxecto "Todos Somos Todos" que o movemento asociativo Plena inclusión puxo en marcha para visibilizar ás máis de 63.000 persoas con discapacidade intelectual e grandes necesidades de apoio que hai en España, e que chegou á nosa Comunidade despois do seu paso polas cidades de Cidade Real e Pamplona.

A inauguración contou coa presenza da Valedora do Pobo, Milagros Otero Parga, que resaltou a "necesidade de visibilizar ás persoas máis vulnerables da nosa sociedade" así como co director de Plena inclusión Enrique Galván que agradeceu "a presenza de todas as familias, pois elas son a base do noso movemento asociativo". Ambos estiveron acompañados pola vicepresidenta de FADEMGA Plena inclusión Galicia Carmela González e o presidente Eladio Fernández.

FADEMGA Plena inclusión Galicia entrega ao presidente do Parlamento o estudo “Todos Somos Todos”

Co obxectivo de visibilizar o colectivo de persoas con discapacidade intelectual e grandes necesidades de apoio, FADEMGA Plena inclusión Galicia entregou esta mañá ao presidente do Parlamento D. Miguel Ángel Santalices Vieira o estudo “Todos Somos Todos” realizado polo Instituto Universitario de Integración na Comunidade (INICO) así como polo Real Padroado da Discapacidade. .

O proxecto “Todos Somos Todos”, é unha iniciativa posta en marcha para visibilizar e empoderar a aquelas persoas con discapacidade intelectual ou do desenvolvemento que teñen maiores necesidades de apoio debido a situacións asociadas a esta discapacidade, caso de mobilidade reducida, trastornos da saúde mental ou dificultades de comunicación entre outras. Estas persoas son aínda en gran medida invisibles para o conxunto da sociedade así como para políticos e lexisladores e teñen un déficit de dereitos aínda maior que o do resto de persoas con discapacidade intelectual, así como menores oportunidades de incluírse na súa comunidade.

Participamos na presentación do proxecto de emprego personalizado de Plena inclusión

 

A sede da Fundación ONCE en Madrid acolleu onte unha xornada sobre Emprego Personalizado, baixo o lema "Unha oportunidade para crear situacións únicas", e na que FADEMGA Plena inclusión Galicia presentou o seu proxecto de emprego personalizado co obxectivo de lograr maiores e mellores oportunidades laborais para aquelas persoas con discapacidade intelectual ou do desenvolvemento que teñen máis necesidade de apoio.

6 entidades galegas participaron nun novo curso sobre “APOIO CONDUTUAL POSITIVO”

O pasado 9 de xuño a sede de FADEMGA Plena inclusión Galicia acolleu un curso sobre APOIO CONDUTUAL POSITIVO que foi impartido por Antonio Naya Sancho, psicólogo e director do Centro Ricardo Baró da asociación ASPRONAGA e membro do Comité de Ética de Plena inclusión.

En total, 16 profesionais chegados dende as entidades de AMIPA, ASPADEZA, ASPANAS, ASPAVI, NSA SRA CHAMORRO, PAI MENNI e FADEMGA participaron nesta iniciativa.

Lanzamos a campaña "Todos Somos Todos" co obxectivo de visibilizar ás persoas con grandes necesidades de apoio

En España hai 63.610 persoas con discapacidade intelectual ou do desenvolvemento que teñen grandes necesidades de apoio. Son persoas con trastornos de saúde mental ou conduta, problemas de mobilidade, dificultades de comunicación ou outras discapacidades asociadas á súa discapacidade intelectual.

Membros da Policía Nacional de Santiago participan nunha formación pioneira sobre discapacidade intelectual

O Corpo da Policía Nacional en Santiago, participou na charla informativa “Aproximación á discapacidade intelectual”, impartida por profesionais de FADEMGA Plena inclusión Galicia.

Esta xornada ten como obxectivo adquirir e actualizar os coñecementos e procedementos actuación con persoas con discapacidade intelectual, dotando aos participantes das ferramentas necesarias para abordar os casos que se lles presenten no seu traballo diario. A xornada formativa correrá a cargo de Rocio Rey Sanmartin (Técnica do programa de Reclusos e Exclusión Social) Manuel Carballo Benito (formador en acceso á xustiza) e Maria Gómez- Carrillo de Castro (Licenciada en Dereito e emprendedora social).

Xornada "Todos Somos Todos" en Santiago de Compostela. INSCRÍBETE!

As persoas con discapacidade intelectual con maiores e máis complexas necesidades de apoio contan con pouca visibilidade no conxunto da sociedade. Parecería que para elas non contan os dereitos, a calidade de vida, a autodeterminación, a participación e inclusión comunitarias….

Pero dende FADEMGA Plena inclusión Galicia estamos decididos a contar con cada persoa! Con este obxectivo celebramos a xornada “Todos somos todos” que terá lugar o vindeiro 28 de xuño na Escola Galega de Función Pública (Santiago de Compostela), e na queremos contar coa túa participación!

Unha vida independente para persoas con discapacidade intelectual é posible

O programa de apoio para a vida independente, naceu co obxectivo de prestar apoios individualizados ás persoas con discapacidade intelectual para que estas poidan conseguir as súas metas ou desexos, permitindo así mellorar a súa calidade de vida e a das súas familias dunha forma inclusiva e na súa contorna comunitaria.

En FADEMGA Plena inclusión Galicia puxemos en marcha unha nova edición deste programa, do que xa forman parte 11 persoas con discapacidade intelectual, usuarias do servizo de emprego da federación en Ourense. O obxectivo principal desta actividade (da que cada ano se benefician usuarios de diferentes entidades galegas) é que todos os participantes consigan unha maior autodeterminación, e gañen progresivamente un maior control sobre as súas vidas e na súa contorna habitual, o que lles achegará unha maior igualdade de oportunidades.

FADEMGA Plena inclusión Galicia organiza un curso sobre “Planificación centrada na persoa"

O pasado 19 de maio a sede de FADEMGA Plena inclusión Galicia acolleu un curso sobre Planificación centrada na persoa que foi impartido por Fausto García Rey, Director técnico do servizo de adultos da asociación BATA e membro da Rede de Consultoría de Plena inclusión.

En total, 16 profesionais chegados dende as entidades de ACEESCA, ASPADEZA, ASPAVI, ASPRONAGA, NSA SRA CHAMORRO, PAI MENNI e FADEMGA participaron nesta iniciativa. O curso organizado por FADEMGA Plena inclusión Galicia, puido facerse realidade grazas a financiación da Fundación ONCE e da Xunta, e permitiu que os alumnos e alumnas identificaran os principios , ferramentas, procesos e marco de experiencias e oportunidades para a planificación centrada na persoa.

Nova oferta de emprego: Preparador laboral / Formador

Nome do posto: PREPARADOR/A LABORAL – FORMADOR/A

Nº de Postos: 1

Duración: ata o 30 de setembro

FADEMGA aplaude os bos resultados obtidos nas primeiras oposicións da Xunta destinadas a persoas con discapacidade intelectual

O Diario Oficial de Galicia (DOGA) ven de facer públicos este venres os resultados da fase de oposición do primeiro proceso selectivo de Galicia celebrado en exclusiva para personas con discapacidade intelectual.

Dende FADEMGA Plena inclusión Galicia manifestamos a nosa satisfacción polos bos resultados obtidos por tódolas persoas que se prepararon a través da nosa federación, pois un 91,38% deles superaron a fase de oposición con éxito. Agora queda esperar polos méritos para saber quenes poderán acceder ás 6 prazas fixas ofertadas na Administración Galega.

Persoas con discapacidade intelectual examínanse mañá nas probas de “competencias clave”: unha porta cara ao emprego

46 persoas con discapacidade intelectual das provincias de A Coruña, Pontevedra e Ourense participarán este martes nas probas de Competencias Clave que terán lugar na sede de FADEMGA Plena inclusión Galicia.

Estas persoas son usuarios do servizo de Emprego de FADEMGA, así como das asociacións federadas de ASPRONAGA (A Coruña), ASPABER (Carballo), ASPAVI (Pazos de Borbén), ASPANAEX (Vigo) e do Centro JUAN MARÍA (Nigrán). Acadar estas competencias permitiríalles poder realizar cursos para parados promovidos pola Consellería de Economía, Emprego e Industria.

Información importante sobre a solicitude da Tarxeta AA

Como sabedes, dende o 21 de marzo deste ano, a discapacidade intelectual grave asociada a trastornos de conduta e/ou problemas de comunicación foi incluida como patoloxía na que debe favorecerse a accesibilidade e o acompañamento.

Dita información tamén está a ser comunicada aos centros sanitarios e ás unidades xestoras con responsabilidade no proceso de atención. Polo tanto, dende agora o procedemento para a solicitude da tarxeta AA será o ordinario.

Por todo elo, dende a federación consideramos moi importante informarvos de que a solicitude deste recurso debe facerse só para persoas que realmente necesitan prioridade e acompañamento nas consultas, xa que o feito de incorporar a persoas que non necesitarían a mesma, faría que non se cumpra o obxectivo para o que se creou.

Para calquera dúbida ou aclaración podedes contactarnos a través de Este enderezo de correo está a ser protexido dos robots de correo lixo. Precisa activar o JavaScript para velo. ou chamando ao 981 51 96 50.

 

Novas accións formativas baseadas en modelos de calidade de vida

Unha das características de FADEMGA Plena inclusión Galicia é a promoción do aprendizaxe e da posta en práctica dos mellores modelos de servizo e apoio que poden incidir na misión das entidades que conforman o movemento asociativo galego de familias. Dende o compromiso ético, técnico e organizativo que orienta á federación ao beneficio de cada unha das persoas con discapacidade intelectual ou do desenvolvemento e das súas familias planificamos tres accións formativas: PLANIFICACIÓN CENTRADA NA PERSOA, APOIO CONDUCTUAL POSITIVO e APOIO ACTIVO.

Asinamos coa Xunta de Galicia un convenio de colaboración para facilitar a atención á discapacidade

O conselleiro de Política Social, José Manuel Rey Varela, asinou hoxe os convenios de colaboración nominativos coas 11 entidades de discapacidade de Galicia destinados ao mantemento das súas estruturas e á realización de programas de interese xeral. A través deles, a Xunta de Galicia destina 3,5 millóns de euros, unha contía que repercutirá de xeito directo en 100.000 persoas que se beneficiarán dos programas e actividades que desenvolvan as entidades. O orzamento total se distribuirá entre once federacións que aglutinan a 150 asociacións.

En marcha o 2º Foro de Familias pola Plena inclusión

O vindeiro 3 de xuño, Santiago de Compostela acollerá a celebración do 2º Foro de Familias, que este ano terá como sede o Hotel Congreso.

O Foro de Familias constitúe un espazo aberto á participación, que este ano terá como tema protagonista "os dereitos das persoas con discapacidade intelectual e o apoio natural das familias para exercelos". A defensa dos dereitos das persoas con discapacidade intelectual ou do desenvolvemento é a razón de ser do noso movemento asociativo, de aí a importancia que lle queremos conceder neste 2º Foro, onde abordaremos experiencias e boas prácticas con familiares e persoas con discapacidade.

Xornada "Saúde Mental e Discapacidade Intelectual"

O vindeiro 27 de maio do 2017, o Salón de actos do Hospital da Costa de Burela (Rafael Vior, s/n 27880 Burela (Lugo)), acollerá a celebración da Xornada "Saúde Mental e Discapacidade intelectual" organizada conxuntamente pola asociación ASPANANE e FADEMGA Plena inclusión Galicia.

Esta xornada, declarada de Interese Sanitario pola Consellería de Sanidade, nace co obxectivo de establecer un foro de reflexión e debate sobre a atención sanitaria das persoas con discapacidade intelectual ou do desenvolvemento, así como sensibilizar e informar sobre a necesidade dun estudio básico a nivel xenético para unha intervención que de resposta as necesidades e demandas da persoa dende os primeiros anos (atención temperá).

Grazas a esta xornada,  profesionais de diferentes campos poderán coñecer en profundidade as particularidades das persoas con discapacidade intelectual ou do desenvolvemento que presentan trastornos mentais e/ou alteracións de conduta.

O prazo para participar  remata o 19 de maio. Deberedes remitir a Este enderezo de correo está a ser protexido dos robots de correo lixo. Precisa activar o JavaScript para velo. o formulario de inscrición que achegamos a continuación: 

Formulario de inscrición na xornada.

Cartel da xornada.

A Xunta recoñece o traballo realizado por 265 persoas con discapacidade en proxectos de formación de 9 entidades

O conselleiro de Política Social, José Manuel Rey Varela, asistiu ao acto de recoñecemento das 265 persoas con discapacidade que desenvolveron durante 2016 e 2017 os proxectos de formación e asesoramento prelaboral ao abeiro das axudas que a Xunta de Galicia concedeu a nove entidades de iniciativa social para este fin.

A Administración autonómica investiu nesta iniciativa preto de 400.000 euros distribuídos entre as seguintes entidades e os seus correspondentes proxectos: FADEMGA centrou a súa actividade na mellora da capacitación sociolaboral das PCDID de Galicia; Feafes realizou un proxecto de habilidades prelaborales para a inclusión sociolaboral de persoas con discapacidade por mor de enfermidade mental; Cogami ofreceu formación prelaboral en Lugo, Pontevedra e na Coruña; Federación Down para a formación e preparación de oposicións autonómicas; Federación Autismo realizou itinerarios personalizados para persoas con necesidades de apoio similares para a adquisición de formación prelaboral e habilidades na vida cotiá; Federación FAXPG puxo en marcha un proxecto de adquisición de habilidades para a vida autónoma e mellora da empregabilidade; Acopros realizou un programa de formación prelaboral na discapacidade auditiva; Limisi traballou na inserción sociolaboral para persoas con diversidade funcional da comarca da Limia; e Cruz Roja Española apoiou a persoas con capacidades diferentes.

Plena inclusión lanza a campaña #Todoal27 para reivindicar maiores oportunidades de emprego para as persoas con discapacidade intelectual

Durante esta semana previa ao Día Internacional do Traballo, Plena inclusión está a desenvolver unha campaña co fin de facer visibles diferentes aspectos relacionados co emprego das persoas con discapacidade intelectual ou do desenvolvemento.

Esta campaña chámase #Todoal27, en alusión ao artigo 27 da Convención sobre dereitos das persoas con discapacidade que establece o compromiso dos Estados asinantes co acceso ao Emprego destas persoas en igualdade de condicións e coa construción de contornas laborais accesibles, abertos e inclusivos para elas.

Publicadas as preguntas e plantilla do proceso selectivo a ordenanza

Xa están dispoñibles para a súa consulta as preguntas e a plantilla de respostas correctas do proceso selectivo a ordenanza, celebrado o pasado día 8 en Santiago.

Emprego público na Administración Autónoma: Procesos Selectivos

 

Entidades sociais galegas presentan “Rentaterapia” a campaña a favor de marcar o X Solidario na declaración da renda

• Un 33,4% dos contribuíntes non marcan ningún recadro, nin o de Fins Sociais nin o da Igrexa.

• 7.320 contribuíntes máis que no 2015 marcaron a X Solidaria, ainda así, recadáronse 301.814 € menos.

• Marcar un recadro non significa que se paguen máis impostos nin que che devolvan menos. Dos impostos que tocan pagar, o Estado permite que a persoa contribuínte decida a quen lle quere destinar o 0,7% dos impostos que ten obriga de pagar.

Día da Saúde: Plena inclusión solicita ás autoridades sanitarias implicación na prevención da discapacidade intelectual

De acordo cos datos que se extraen da investigación Europea POMONA II tan só o 14,5% das 900 persoas con discapacidade que analiza o estudo, teñen un estudo xenético realizado.

No Día Mundial da Saúde, FADEMGA Plena inclusión Galicia reclama ás autoridades sanitarias e asociacións profesionais, uns criterios claros e comúns na información e derivación de casos para o estudo xenético, e un asesoramento xenético familiar de persoas con trastornos do desenvolvemento que non sexa exclusivo para os nenos.

Trasladámoslle ao presidente do Tribunal Superior de Xustiza a necesidade de crear un protocolo de atención para as persoas con discapacidade intelectual

O presidente de FADEMGA Plena inclusión Galicia, D. Eladio Fernández, e o xerente da federación D. Antonio Fuentetaja, reuníronse este martes co presidente do Tribunal Superior de Xustiza de Galicia, D. Miguel Ángel Cadenas, para propoñer a elaboración dun protocolo que permita garantir, de forma axeitada, o acceso real das persoas con discapacidade intelectual á administración da Xustiza, tratando así de reducir os posibles trastornos condutuais que estes procedementos xudiciais lles puidesen acarrexar.

FADEMGA pon en marcha o novo “Programa de Muller” cunha formación sobre igualdade

O pasado 30 de marzo FADEMGA Plena inclusión Galicia acollía a primeira xornada de formación en materia de igualdade, unha iniciativa que forma parte do novo programa de muller, posto en marcha co obxectivo de fomentar a igualdade de oportunidades entre mulleres e homes con discapacidade intelectual ou do desenvolvemento, así como de apoiar a aquelas mulleres que se atopan en situacións de risco ou exclusión social.

"Sal do cascarón e avanza!" Unha aproximación ao modelo de Calidade Plena

O Modelo de Calidade Plena (que se sustenta na calidade de vida, calidade na xestión e na ética) conta cun Sistema de Avaliación, que pretende que tódalas organizacións que forman parte do Movemento Asociativo Plena inclusión sexan capaces de percorrer un camiño de mellora, que lles leve cara á acreditación da calidade nos seus procesos, á xestión dos seus apoios, dos seus servizos….

Froito do plan de acción da comisión de calidade de FADEMGA e desta importancia organizacional que supón para nós a calidade, naceu esta xornada dirixida a tódalas persoas que conforman o noso movemento asociativo (persoas usuarias das entidades, familiares, xuntas directivas, directores/as-xerentes, profesionais de atención directa ou non e voluntari@s) e a tavés da cal a federación buscou proporcionar información e apoio externo ás nosas entidades, entre as que se atopaban PAI MENNI, BATA, ASPANAEX, AS BURGAS, AMIPA, JUAN XXIII, ASPADISI, ASPANANE, ASPNAIS, CHAMORRO, CAMIÑA, SAN XEROME, ASPRONAGA, ACEESCA, JUAN MARÍA, e ASPADEZA, así como a entidade convidada de AVD GALICIA .

A sexualidade e as relacións interpersoais protagonizan o Foro de irmáns de persoas con discapacidade intelectual

O conselleiro de Sanidade D Jesús Vázquez Almuíña e o presidente de FADEMGA Plena inclusión Galicia, D. Eladio Fernández, participaron no Foro de irmáns e cuñados de persoas con discapacidade intelectual, un espazo aberto á participación, onde os asistentes puideron facer aportacións e reflexións cos seus compañeiros para buscar diferentes líneas de acción en torno ao tema da xornada: as relacións persoais.

Baixo o lema, “Falemos de sexo, falemos de afecto”, o Foro abordou a sexualidade das persoas con discapacidade intelectual, un aspecto que dende a federación consideramos imprescindible para que as persoas con discapacidade intelectual teñan a oportunidade de aprender a canalizar os seus afectos e a súa sexualidade, de maneira que poidan ter unha vida plena. A especialista en educación sexual Débora Baz Rodríguez, membro do Gabinete de formación e asesoramento sexual Amaturi, foi encargada de impartir a poñencia “Sinxelamente sexuais”, que estivo seguida das testemuñas de familiares, profesionais e persoas con discapacidade intelectual da Asociación Chamorro, que nos falaron da súa experiencia neste eido. As persoas con discapacidade intelectual pertenceron durante moito tempo a unha das minorías ás que se lles negou toda posibilidade de satisfacer as súas necesidades afectivas e sexuais.

Semana de Acción Mundial pola Educación (SAME) 2017

Desde o ano 2001 a Campaña Mundial pola Educación (CME) celebra a Semana de Acción Mundial pola Educación (SAME). É unha semana, normalmente en abril, onde os máis de 124 países que traballamos por garantir o dereito á educación, mobilizámonos para chamar a atención da comunidade educativa, dos medios de comunicación, da sociedade en xeral e especialmente, dos representantes políticos sobre a necesidade de facer real e efectivo o dereito a unha educación de calidade para todos e todas no mundo.

Coñeces o Pensamento libre?

Dende FADEMGA Plena inclusión Galicia poñemos en marcha unha novidosa xornada sobre "Pensamento Libre": un proxecto alternativo, onde pensamos en liberdade, e que está orientado a empoderar ás persoas con discapacidade intelectual.

A xornada terá lugar o vindeiro 24 de abril, ás 16:00 horas, na sede de FADEMGA Plena inclusión Galicia, e nela presentaremos os obxectivos deste novo proxecto para que poidades coñecer en profundidade os seus beneficios. Estará orientada principalmente a persoas con discapacidade intelectual, familias, profesionais e voluntarios.

A Xunta incluirá a pacientes con discapacidade intelectual nas tarxetas 'AA' para priorizar o seu acceso á atención sanitaria

Xunta de Galicia e FADEMGA Plena inclusión presentaron esta nova funcionalidade da tarxeta sanitaria coñecida como Dobre AA (Acompañamento e Accesibilidade) que garantirá o acceso preferente das persoas con discapacidade intelectual ás consultas sanitarias.

A tarxeta facilita a accesibilidade a determinados servizos sanitarios dos pacientes diagnosticados de certas patoloxías, cuxa sintomatología fai aconsellable, na medida do posible, reducir os tempos de espera previos á entrada na consulta médica, achegándoa todo o posible á hora de cita concertada.

"PLENA SAÚDE" unha xornada para analizar e reflexionar sobre a saúde das persoas con discapacidade intelectual

As persoas con discapacidade teñen unha maior predisposición a presentar enfermidades, tanto de tipo físico como mental, porque adquiren hábitos de vida pouco saudables (dietas pouco equilibradas, sedentarismo, etc.), padecen enfermidades asociadas á discapacidade (epilepsia, problemas de mobilidade, etc.) ou teñen predisposición a algunhas enfermidades debido a alteracións xenéticas, no caso dalgúns síndromes. 

Por todo elo, faise necesario que poñamos en marcha accións de promoción da saúde, algo fundamental para lograr que as persoas con discapacidade intelectual podan mellorar a súa saúde e exercer un maior control sobre a mesma.

Participamos na III edición da feira de emprego de Vigo "Empregalia"

 

Usuarios do Servizo de Emprego de FADEMGA Plena inclusión Galicia, participaron o pasado venres na III edición da feira de emprego de Vigo "Empregalia" que contou con máis de 20 empresas e oenegués que ofertaban polo menos dous postos de traballo. O obxectivo do evento foi o de fomentar a contratación de traballadores.Os candidatos puideron  interaccionar cos empresarios para coñecer de primeira man a súa proposta e as condicións da mesma.

A xornada foi inaugurada por Patricia López, presidenta da asociación Abrandares en Igualdade de Vigo; polo presidente da Autoridade Portuaria, Enrique López Veiga; polo vicepresidente da Xunta de Galicia, Alfonso Rueda; e pola subdelegada do Goberno en Pontevedra, Ana Ortiz, entre outras autoridades.

Entre os asistentes, atopábanse participantes do Programa de Mellora da Capacitación da Empregabilidade financiado pola Xunta de Galicia e do proxecto Poises.

Xornada sobre calidade "Sal do cascarón e avanza!"

En FADEMGA Plena inclusión Galicia entendemos a calidade como unha obriga que emana do dereito das persoas a recibir -tras ser escoitadas- apoios dignos e significativos para as súas vidas. Neste sentido, definimos a calidade Plena como o resultado da interacción de tres compoñentes esenciais: CALIDADE DE VIDA, calidade na XESTIÓN e ÉTICA, de xeito que ningún deles pode faltar ou ter desenvolvementos significativamente diferentes dos outros dous.