FADEMGA - Plena inclusión - Galicia Un experimento social sen precedentes: "Hai moitas capacidades detrás dunha discapacidade intelectual"

  Máis Novas

Listen to this page using ReadSpeaker

Tres expertas en recursos humanos enfróntanse ao reto dun proceso de selección a cegas.

Coincidindo co Día Internacional das Persoas con Discapacidade que se celebra o 3 de decembro, FADEMGA Plena inclusión Galicia lanza o anuncio “Hai moitas capacidades detrás dunha discapacidade intelectual” que quere chamar a atención sobre as dificultades que sofren as persoas con discapacidade intelectual para acceder a un emprego digno.

Estas barreiras teñen como consecuencia o empobrecemento deste sector da poboación. Trátase dun problema tan descoñecido como grave.

E se puidésemos ver as capacidades antes que a discapacidade?

No vídeo da campaña móstrase o experimento real no que participaron 3 consultoras de recursos humanos, especializadas na selección de directivos, e tres candidatos a un emprego. Durante o proceso de selección, completamente a cegas, as expertas teñen que avaliar a un candidato para un posto concreto. Estarán ou non capacitados para iso?

Segundo o Artigo 35 da Constitución Española: 1. Todos os españois teñen o deber de traballar e o dereito ao traballo, á libre elección de profesión ou oficio, á promoción a través do traballo e a unha remuneración suficiente para satisfacer as súas necesidades e as da súa familia, sen que en ningún caso poida facerse discriminación por razón de sexo. Pero o certo é que só 7 de cada 100 persoas con discapacidade intelectual, que poden traballar, o fan e cobrando un 60%. Estas dificultades levan ás persoas con discapacidade intelectual e ás súas familias para sufrir risco de exclusión social.

Na campaña “Hai moitas capacidades detrás dunha discapacidade intelectual” os grandes protagonistas son os candidatos ao emprego: Pilar, Débora e Alberto. Eles dan voz a un colectivo poucas veces escoitado e completamente ignorado en cuestións de emprego. Canto nos estamos perdendo por mirar o mundo a través dos nosos prexuízos?

3 de decembro, Día Internacional das Persoas con Discapacidade.

O Día Internacional das Persoas con Discapacidade conmemórase o 3 de decembro para chamar a atención e mobilizar apoios para aspectos crave relativos á inclusión de persoas con discapacidade na sociedade e no desenvolvemento.

Grazas por axudarnos a difundir!

 

PARA VISUALIZAR, COMPARTIR E DESCARGAR A CAMPAÑA

Link de Youtube: https://bit.ly/2Led8jI

Link de Facebook: https://www.facebook.com/PlenaInclusionGalicia/

Link Twitter: https://twitter.com/PlenaGalicia

Link de Instagram: https://www.instagram.com/plenainclusiongalicia/

Link de LinkdIn: https://www.linkedin.com/company/11855822/admin/

Link de descarga do vídeo en DropBox: https://bit.ly/2LdEG8u

Link de descarga das gráficas da campaña en DropBox: https://bit.ly/2P6fT7A