FADEMGA - Plena inclusión - Galicia Máis de 3.500 persoas con discapacidade intelectual, preséntanse este sábado ás oposicións convocadas polo Ministerio de Facenda

  Máis Novas

Listen to this page using ReadSpeaker

Máis de 3.500 persoas con discapacidade intelectual, preséntanse este sábado ás oposicións convocadas polo Ministerio de Facenda Das 279 prazas convocadas, 23 delas irán parar a Galicia.

FADEMGA Plena inclusión Galicia prestou apoios durante todo o proceso, e este venres técnicos da federación acompañan aos opositores a Madrid para realizar as probas.

Co fin de cubrir prazas de emprego público en toda España, o Ministerio de Facenda e Función Pública, convocaba 279 postos de persoal laboral fixo na Administración do Estado, modalidade de Axudante de Xestión e Servizos Comúns (Ordenanza), dirixidos a persoas con discapacidade intelectual.

Este venres máis de 235 persoas con discapacidade intelectual, marchan xa cara Madrid para facer fronte a esta proba, para a que levan meses formándose a través de FADEMGA Plena inclusión Galicia. Os aspirantes optarán a conseguir algunha das 23 prazas que se convocan para Galicia, 13 de las na provincia de A Coruña (nas localidades de Ferrol, Santiago e Coruña), 2 na cidade de Lugo, 2 en Ourense e 6 en Pontevedra (nas localidades de Pontevedra, Vigo e Marín).

:: Apoios integrais para facilitar a inserción laboral do colectivo

Durante o proceso de preparación, a federación facilitou formación de cara a preparación deste exame pero tamén ofreceu apoio aos opositores en todo o proceso; desde a formalización da solicitude até a presentación de alegacións a listas ou a documentación referida á formación e experiencia de cada aspirante para o concurso ademais de acompañalos ao lugar onde se realizarán os exames este sábado 22 de setembro.