Máis Novas

Listen to this page using ReadSpeaker

O vindeiro 19 de decembro, celebraremos en Vigo un novo taller centrado na intelixencia, nos coidados, na comunicación e na xestión emocional, destinado a persoas con discapacidade intelectual e/ou do desenvolvemento. 

Hermanos/as y cuñados/as de personas con discapacidad intelectual, se han reunido este fin de semana en Santiago para celebrar su Encuentro Estatal. A la cita, desarrollada en la Hospedería de San Martín Pinario (Santiago de Compostela), asistieron cerca de un centenar de representantes de 43 asociaciones procedentes de 12 comunidades autónomas.

Máis de 100 persoas autoxestoras de toda Galicia reuníronse este venres en Lalín durante o seu 20º Encontro Autonómico, co fin de defender e visibilizar ás persoas con discapacidade intelectual e/ou do desenvolvemento, así como para formarse sobre aqueles aspectos relacionados co colectivo.

Como continuación da colaboración entre a Consellería de Promoción do Emprego e Igualdade e AEDIGAL estase a organizar a formación "Igualdade e corresponsabilidade nos procesos de traballo en entidades de atención a persoas con discapacidade intelectual e/ou do desenvolvemento de Galicia" . Trátase do segundo curso dun conxunto de cinco formacións sobre igualdade que terán lugar nos vindeiros meses. 

O vindeiro 25 de novembro a Facultade de Psicoloxía da USC en Santiago de Compostela acollerá a 16 edición do Seminario de discapacidade intelectual e saúde mental, que cada ano reúne a profesionais de toda Galicia coa finalidade de difundir os avances e desafíos no ámbito da discapacidade, ao tempo que proporcionamos un foro de encontro e discusión aberto a profesionais, voluntarios e estudantes que se están formando, traballan ou prestan apoios no ámbito da discapacidade intelectual e/ou do desenvolvemento.


A Confederación Plena inclusión presentou hoxe en Bilbao o seu novo sistema de “Calidade Plena”, que afecta ás 950 entidades que compoñen o movemento asociativo e que tamén se ofrece a outras organizacións de España (e mesmo a outros países) para a mellora do seu traballo e a súa sustentabilidade.

O programa de atención a mulleres con discapacidade intelectual,

oferta unha nova formación de coidados do corpo feminino.

 

Despois do comunicado enviado este martes para dar a coñecer o incumprimento do prazo no que debía poñerse en marcha o Concerto Social, a Xunta de Galicia recibiu aos representantes da federación para intentar desatascar esta situación que mantiña paralizada a posta en marcha do Concerto, convocándonos a unha nova reunión que terá lugar o 28 de outubro.

Despois de varios anos de traballo man a man coa Consellería de Política Social co fin de desenvolver o Concerto Social, dende a Federación vémonos na obriga de denunciar o grave incumprimento do prazo máximo para a súa execución. Tal e como se especificaba no Decreto 229/2020 do 17 de decembro polo que se desenvolve o réxime de concertos sociais no ámbito da Comunidade Autónoma de Galicia, contábase cun prazo máximo de 18 meses para poñer en marcha este novo concerto social; un prazo vencido xa dende o pasado 28 de xullo de 2022.

A Federación ven de reunirse esta mañá co Consello Económico e Social de Galicia (CES Galicia) e coa Unión de Consumidores de Galicia (UCGAL) co fin de valorar os efectos colateráis que está a producir a aplicación da Lei 8/2021 do 2 de xuño, pola cal se reforma a lexislación civil e procesual para o apoio ás persoas con discapacidade no exercicio da súa capacidade xurídica. 

No ano 2019, A Vicepresidencia Segunda e Consellería de Presidencia, Xustiza e Deportes e FADEMGA Plena inclusión Galicia (Federación galega de asociacións en favor das persoas con discapacidade intelectual e do desenvolvemento) iniciábamos un proxecto pioneiro na nosa comunidade, co fin de facilitar ás persoas con discapacidade intelectual e do desenvolvemento a comprensión daquelas informacións de carácter xurídico así como dos procesos xudiciais e o seu resultado.

Os vindeiros 18, 19 e 20 de novembro Santiago de Compostela acolle o Encontro estatal de irmás, irmáns, cuñados e cuñadas de persoas con discapacidade intelectual e do desenvolvemento.  

Organizado por Plena inclusión e FADEMGA Plena inclusión Galicia, o encontro será un espazo para pensar e reflexionar sobre o tipo de comunidades e de formas de convivencia que queremos no futuro próximo, ao tempo que visibilizamos o importante papel dos irmáns/ás e cuñados/as nas familias, nas entidades, no movemento asociativo e na sociedade. 

A asociación empresarial para a discapacidade intelectual e do desenvolvemento de Galicia, AEDIGAL, organizou esta mañá a súa primeira xornada formativa co obxectivo de reivindicar a necesidade de incluir cláusulas sociais nos procesos de contratación pública así como para destacar o valor engadido que os Centros Especiais de Emprego poden aportar a empresas, institucións e organismos.

Como cada ano por estas datas, chega unha nova edición da nosa Convivencia Formativa de irmáns e irmás, cuñados e cuñadas de persoas con discapacidade intelectual e do desenvolvemento.

Como ben sabedes, este ano celébrase un importante acontecemento en Galicia: o encontro de irmáns e cuñados estatal, e por este motivo a nosa xornada de convivencia xirará en torno a este magno evento! 

AEDIGAL, Asociación empresarial para a discapacidade intelectual e do desenvolvemento pon en marcha a primeira "Xornada sobre contratación pública estratéxica e análise da eficiencia dos centros especiais de emprego de Galicia", que terá lugar o vindeiro 5 de outubro na sede de Afundación (Rúa do Vilar, 19. Santiago de Compostela). 

Cando detectamos unha conduta que nos preocupa queremos eliminala e reducila rápidamente, pero para ter garantías de éxito é necesario recoller ben a información e saber observar. Se non somos capaces de facelo, estaremos fallando na primeira fase de búsqueda de solucións. 

131 persoas con discapacidade intelectual e do desenvolvemento das 4 provincias galegas, participan este ano no Programa Integrado de Emprego de FADEMGA Plena inclusión Galicia, unha iniciativa que está en marcha dende o pasado mes de abril e cuxo obxectivo é favorecer e mellorar as condicións de traballo das persoas con discapacidade intelectual e do desenvolvemento na nosa comunidade, mellorando as súas habilidades e coñecementos ao tempo que tamén atendemos ás necesidades das empresas empregadoras.

 Dende marzo de 2020, cando se declara a situación de estado de alarma pola COVID-19, enfrentámonos a situacións sen precedentes. A pesar de que as consecuencias da pandemia son xerais, son as persoas que se atopan nunha posición máis vulnerable as que se están a ver máis afectadas. Este é o caso das persoas con discapacidade intelectual e do desenvolvemento  e as súas familias. 

Outra das novas actividades formativas que nos trae setembro será "Empoderando persoas: rol de apoio", destinada a coñecer diferentes claves de traballo en contornas comunitarias así como a entender as implicacións da participación e como promovela tanto nas nosas organizacións como na comunidade. 

Ter unha visión global do apoio ás persoas con discapacidad intelectual e do desenvolvemento que teñen problemas de saúde mental é esencial para poder darlles os apoios axeitados no seu día a día. Se este apoio o prestamos a través dun enfoque bio-psico-social baseado na persoalización, as posibilidades de éxito serán maiores.

Co fin de dar resposta ás necesidades de formación do voluntariado que apoia a persoas con discapacidade intelectual ou do desenvolvemento, estamos a argallar unha nova xornada formativa que se desenvolverá os días 1 e 8 de outubro e na que abordaremos aspectos relacionados co empoderamento do voluntariado, coas habilidades de comunicación no desenvolvemento da súa acción e coa intervención con persoas con grandes necesidades de apoio.  

Ao longo de todo este ano estivemos a poñer en marcha un novo proxecto co fin de reflexionar e afrontar xuntos os novos retos que conleva o envellecemento das persoas con discapacidade intelectual ou do desenvolvemento.

Co obxectivo de dotar ao colectivo da información e das ferramentas necesarias para unha busca activa de emprego así como para facilitar o seu acceso ao mercado laboral, abrimos a "Convocatoria de formación prelaboral 2022" que ademáis dos cursos básicos de formación, inclúe obradoiros específicos para a elaboración do curriculum vitae, aprender a abordar entrevistas de traballo, resolución de conflitos, brigadas de busca de emprego, manexo do euro ou habilidades comunicativas entre outros.

Este ano celebramos o terceiro encontro de mulleres,

un retiro para coñecernos mellor a nós mesmas

e saber coidar o noso interior.

Este luns a Xunta de Galicia acolleu o acto da sinatura mediante a cal se renova o Convenio entre Función Pública e a Federación, co fin de dar continuidade á estreita colaboración entre ambos organismos no eido da inclusión laboral do colectivo.

Esta actividade é unha visita por rúas e prazas

de Santiago de Compostela.

Nesta visita descubriremos o papel das mulleres

na historia da cidade de Santiago. 

502 persoas con discapacidade intelectual participan nun estudo de emprego personalizado en toda España, das cales 30 son persoas de Galicia que recibirán apoios no marco desta metodoloxía.

Estamos a buscar a profesionais que presten apoio nas quendas de Respiro Familiar que organizamos na federación.

 

 A Valedora do Pobo convocou no mes de xuño

dúas bolsas de formación 

para persoas con discapacidade intelectual

Boas novas!

Despois do parón forzoso ao que nos vimos obrigados por mor da pandemia, por fin podemos decir que... volve o "Encontro autonómico de persoas autoxestoras"!! E faino ademáis celebrando a súa vixésima edición!

Asesorar, fortalecer e colaborar con organizacións ou familias ante situacións condutuais de persoas con discapacidade intelectual ou do desenvolvemento de difícil manexo, é o principal obxectivo da nosa "Rede de asesoramento en conduta", á cal xa podes solicitar axuda dende hoxe mesmo.

O obradoiro "Comparte e expresa!" nace coa intención de aprender a identificar tanto as fortalezas da nosa comunicación como aqueles aspectos que debemos mellorar. 

O Programa de Muller da Federación está a organizar unha nova conferencia centrada na violencia de xénero e a discapacidade. Marina Marroquí, educadora social e especialista en violencia de xénero, será a responsable de impartir esta charla que terá lugar en modalidade telemática o vindeiro 14 de xuño ás 11:00 horas.

Co obxectivo de adquirir os coñecementos necesarios para a planificación e realización de auditorías da calidade, poñemos en marcha esta unha nova xornada formativa orientada a profesionais das entidades federadas. 

Despois dun longo proceso de participación colectiva, esta semana Valencia acolle o Congreso de Plena inclusión, un evento que se celebra aproximadamente cada 5 anos e que nesta ocasión reúne a 300 asistentes que achegarán o seu punto de vista sobre tres bloques temáticos que engloban as principais metas que quedan por alcanzar nos próximos anos.

O vindeiro 20 de xuño o salón de actos de FADEMGA acollerá o obradoiro sobre "Produtos de apoio para unha vida activa", dirixido especialmente a familias, profesionais e voluntarios que apoian a persoas con discapacidade intelectual ou do desenvolvemento.

Presentámosche o novo obradoiro que temos en marcha: "Enredadas", enmarcado no noso programa de Muller, trátase dunha iniciativa destinada a mulleres con discapacidade intelectual que ten como obxectivo coñecer en profundidade o funcionamento e uso da redes sociais, os principais riscos que podemos atopar facendo uso de internet  ou como promover unha identidade dixital positiva. 

O próximo domingo día 15 de maio é o Día Internacional da Familia. Con motivo desta celebración, dende o movemento asociativo de Plena inclusión queremos animar a todas as familias a participar nunha acción de visibilización nas redes sociais.

Co obxectivo de avanzar no eido da formación para o emprego, a patronal AEDIGAL e FADEMGA Plena inclusión Galicia están a participar na configuración da “Axenda Galega de Capacidades”, como representantes do colectivo de persoas con discapacidade intelectual así como axentes da economía social na nosa comunidade.

Durante moito tempo a sexualidade da persoa con discapacidade intelectual foi un tema tabú, do que non se falaba e mesmo parecera que non existise, unha problemática maior se cabe no caso das mulleres. 

Buscamos técnica/o de integración social para desenvolver os programas de "Collendo impulso" e "Reclusos". A continuación podes ver os requisitos e características do posto: 

Co obxectivo de coller impulso cara a inclusión social, estamos a organizar un novo espazo de encontro baixo a temática "Cultivando o bo trato". 

A través destas convivencias queremos falar e reflexionar sobre como debemos coidar de nós mesmos para atoparnos ben, pero tamén sobre como debemos tratar aos demáis. 

O 3 de maio foi declarado polo Goberno a suxerencia do CERMI o Día Nacional da Convención Internacional sobre os Dereitos das Persoas con Discapacidade, en que este tratado internacional de dereitos humanos entrou en vigor en todos os Estados parte, incluída España.

Este domingo a localidade de Silleda acolle unha nova convocatoria de oposicións destinadas a persoas con discapacidade intelectual.

Con motivo do Día Internacional do Libro, FADEMGA Plena inclusión Galicia quere reivindicar o dereito á lectura e á cultura das persoas con discapacidade intelectual. Segundo a Organización Mundial da Saúde, 1 de cada 3 persoas ten dificultades de comprensión: trátase de persoas con discapacidade intelectual, maiores, persoas que non coñecen ben o noso idioma ou con baixa alfabetización... Todas elas necesitan apoios para poder entender o mundo que lles rodea e poder participar nel en igualdade de condicións que o resto de cidadáns.

Este ano a Federación pon o foco na necesidade de que a lectura fácil chegue tamén ás aulas, con contidos adaptados que faciliten o acceso a aprendizaxe daqueles escolares que contan con maiores dificultades (discapacidade intelectual, trastornos do espectro do autismo, TDAH…). Na maioría dos casos estes alumnos/as non contan con materiais adaptados que lles faciliten os contidos curriculares habituais, o que poden desembocar en último termo, no fracaso escolar.

O pasado venres, día 8, o Parlamento de Galicia acolleu unha nova sesión da “Comisión para o seguimento das políticas de discapacidade”, onde varias entidades do sector puidemos trasladar aos principais grupos parlamentarios a actualidade e reivindicacións dos nosos correspondentes colectivos.

Xa podedes anotarvos nunha nova edición do Curso de "Apoio Condutual Positivo (ACP). Nivel Experto" que nos axudará a profundizar nos puntos clave dos plans de ACP, como planificar a prevención ou realizar plans de aprendizaxe de habilidades alternativas. Tamén coñeceremos ferramentas de liderazgo práctico: entrevistas, monitorización e acompañamento dos equipos.  

En moitos momentos da nosa vida pasamos por procesos de dó e non sempre é fácil comunicar o que se sente tras un perda. O mesmo lles ocorre ás persoas con discapacidade intelectual ou do desenvolvemento. 

A morte está presente ao longo do ciclo vital de todas as persoas e aínda así, é un tema do que evitamos falar.

A pandemia da COVID-19 afectounos a todos, pero tamén nos deu conciencia de que a vida cambia nun instante, de que pode rematar en calquera momento. Conversar con alguén sobre elo, contribúe a que afrontemos ese medo en lugar de fuxir del.

Envellecer é un proceso individual, pero envellecer ben é un tema social. Hoxe en día atopámonos ante unha nova e urxente realidade: a prolongada etapa adulta das persoas con discapacidade intelectual ou do desenvolvemento e o seu proceso de envellecemento.