Dende FADEMGA Plena inclusión Galicia traballamos pola mellora da empregabilidade das persoas con discapacidade intelectual da nosa comunidade, proporcionando formación específica e adaptada ás necesidades do noso colectivo.

 

Contamos coa estrutura que supón ser un centro colaborador do Servizo Público de Emprego de Galicia, ofrecendo información, asesoramento e orientación laboral específica para persoas con discapacidade intelectual que demandan formación e emprego.

 

A través deste servizo, ofrecémoslles ás empresas persoal competente e motivado, así como colaboración, apoio permanente e asesoramento gratuítos para garantir o éxito das contratacións realizadas a través do servizo de apoios para o emprego.

 

 

 

• Accións de información, asesoramento e orientación para o emprego

 

• Implantación das políticas activas de emprego da administración autonómica (priorizando as dirixidas a persoas con discapacidade)

 

• Entrevistas de orientación laboral

 

• Modificación de currículums vitae

 

• Introdución de demandas no Servizo Público de Emprego

 

• Captación de ofertas de emprego.

 

• Selección de candidatos.

 

• Accións individuais de seguimento.

 

• Accións de información e formación de familias.

 

• Impartición de módulos de formación prelaboral.

 

• Accións de sensibilización social na comunidade (entidades prestadoras de SS.SS, centros educativos, concellos, etc).