Social

Listen to this page using ReadSpeaker

As persoas con discapacidade intelectual atópanse na nosa sociedade, con múltiples barreiras (urbanísticas, arquitectónicas, cívicas, de comunicación...) que lles dificultan, ou lles privan dunha plena inclusión social.

A tarefa do noso Programa de Sensibilización é pór de manifesto estas barreiras e dificultades coas que se atopan as persoas con discapacidade intelectual, para fomentar a aplicación de medidas que eliminen estas trabas así como a instauración de novas prácticas nas formas de facer, pensar e planificar de modo que teñan en conta a diversidade da sociedade e que favorezan a accesibilidade de calquera persoa en todos os ámbitos sociais.

Paralelamente, realizamos diferentes actividades orientadas a fomentar o empoderamento das persoas con discapacidade intelectual: escoitar a súa voz, romper o seu silencio, darlles a coñecer os seus dereitos, formar ao colectivo en materias de liderazgo, portavocía e sensibilización... 

Alimentar o seu poder para transformar a súa realidade tanto colectiva como singular é unha cuestión de compromiso ético pero tamén de dereito.