Área de emprego

Listen to this page using ReadSpeaker

Dende FADEMGA Plena inclusión Galicia poñemos en marcha a nova campaña #AMiñaOportunidade, orientada ao fomento do emprego entre as persoas con discapcidade intelectual ou do desenvolvemeto.

Para FADEMGA Plena inclusión o emprego é un obxectivo prioritario para lograr a normalización, a integración e a mellora da calidade de vida das persoas con discapacidade intelectual, ou do desenvolvemento xa que o traballo:

- favorece a súa autonomía persoal

- favorece a súa participación na vida da comunidade

- redefine o seu rol no seo familiar

- mellora o seu nivel de autoestima e sobre todo

- porque elas queren traballar.

 

Por todo elo, desenvolvemos actuacións orientadas a fomentar o emprego e a dar apoio para mantelo a aquelas persoas que xa están a traballar, en todos os ámbitos posibles. Por unha banda, teñen servizos de intermediación laboral, que identifican demandas de traballo dentro e fóra do ámbito da nosa organización, e capacitan ás persoas para cubrir eses postos. Xunto a iso, tamén proporcionan apoios a aquelas persoas que traballan en empresas ordinarias.

Doutra banda, temos un importante proxecto de Emprego Público, facendo accesible o proceso de inscrición á convocatoria, así como a facilitación dos temarios, resolución de dúbidas e clases necesarias para a preparción dos temarios.