FADEMGA - Plena inclusión - Galicia Autoxestores de toda Galicia celebran o Día da Discapacidade co seu Encontro Autonómico

  Máis Novas

Listen to this page using ReadSpeaker

A concelleira de Servizos Sociais do Concello de Santiago, Dona Concha Fernández, o Asesor de Programas educativos da Consellería de Educación D. Manuel Costa, e o presidente de FADEMGA Plena inclusión Galicia D. Eladio Fernández, inauguraron o 17 Encontro Autonómico de Autoxestores, onde 130 autoxestores e representantes da Comisión de Irmáns da Federación puideron compartir a celebración do Día Internacional da Discapacidade, que se conmemora cada ano o 3 de decembro.

 

A vida independente foi o tema escollido polos autoxestores para protagonizar o Encontro deste ano. A través de relatorios sobre vivendas tuteladas para persoas con máis necesidades de apoio e de experiencias de autoxestores que viven de forma independente, os grupos puideron achegarse a esta realidade, un dereito que recolle o artigo 19 da Convención da ONU sobre os dereitos das persoas con discapacidade “estas persoas teñen dereito a vivir de maneira independente, a ser incluídos na sociedade, a elixir onde e con quen vivir, e a ter acceso a servizos de apoio no fogar, en residencias e na comunidade”.

Para os irmáns e cuñados que asistiron ao Encontro foi unha oportunidade para compartir as inquietudes e necesidades dos autoxestores, quedando abraiados pola forza e a claridade das súas demandas. Tamén aproveitaron para reunirse e por en común os resultados do Proxecto de Irmáns e Dinamización Asociativa no que participaron ao longo deste ano, coa axuda de Bankia. Un proxecto que tivo o seu punto máis álxido na Convivencia Formativa que celebraron no mes de outubro en Padrón, e na que esbozaron 3 microproxectos que permitirán revitalizar o movemento asociativo de Plena inclusión en Galicia.