Máis Novas

Listen to this page using ReadSpeaker

Dende FADEMGA Plena inclusión Galicia poñemos en marcha novamente o noso Servizo de Asesoría Xurídica, orientado a informar e aconsellar ás persoas con discapacidade intelectual ou do desenvolvemento e ás súas familias naquelas dúbidas de carácter legal e xurídico que podan ter. Habitualmente trátanse temas como as tutelas, as herdanzas, o patrimonio protexido, o dereito ao voto etc.

 Dentro deste servizo, a federación ofrece dúas modalidades:

a) As charlas xurídicas: Coas charlas xurídicas pretendemos achegar temas xurídicos de relevancia dun xeito ameno e próximo ás persoas con discapacidade intelectual ou do desenvolvemento e ás súas familias.

b) As consultas individuais: pensadas para resolver dúbidas persoais tanto das propias persoas con discapacidade intelectual como das súas familias. A continuación, podedes consultar as datas e provincias das consultas individuais que se celebrarán durante o 2017:

O Servizo de Asesoría Xurídica forma parte dos Programas de Apoio Familiar e de Cidadanía Activa. Esto é posible grazas a todos aqueles que marcades a X Solidaria na vosa Declaración da Renda.

Tedes tódala documentación dispoñible para descarga no seguinte enlace: Documentación Servizo de Asesoría Xurídica