Máis Novas

Listen to this page using ReadSpeaker

 As persoas con discapacidade intelectual ou do desenvolvemento presentan un maior número de trastornos psiquiátricos e condutuais coexistentes, pero moitas veces a detección dos mesmos resulta complexa ou o tratamento non é eficaz, o que repercute na diminución da súa calidade de vida, ameaza a estabilidade da situación familiar e pon en perigo a súa permanencia nos centros de atención ós que acoden.
 
Para abordar estes casos, ós que é dificil ofrecer unha resposta efectiva, FADEMGA Plena inclusión Galicia organizou novamente esta xornada que este ano acada a súa 5º edición co obxectivo de mellorar a atención que reciben as persoas con discapacidade intelectual e trastornos mentais e/ou alteracións de conduta asociados.

Para elo, a Sesión contou de novo co apoio e asesoramento do psiquiatra Ramón Novell, - profesional do Instituto para a Atención e Investigación na Discapacidade Intelectual e do Desenvolvemento de Barcelona (INARDI) – quen estivo acompañado de 50 profesionais procedentes de entidades da discapacidade intelectual de toda Galicia, da Facultade de Psicoloxía (que está a colaborar na avaliación dun dos casos que se presentarán na xornada) e do grupo de traballo sobre trastornos mentais e/ou alteracións de conduta de FADEMGA.
 
A Sesión contou tamén coa participación de profesionais da Fundación Pública de Medicina Xenética, con quen FADEMGA está a traballar nun Proxecto de xenética de discapacidade intelectual, no que o doutor Ángel Carracedo nos dou a oportunidade de participar.