Máis Novas

Listen to this page using ReadSpeaker

 FADEMGA FEAPS GALICIA celebrou en Santiago o terceiro Encontro Autonómico de Irmáns de persoas con discapacidade intelectual, onde participaron un total de 40 persoas procedentes de 10 entidades de toda Galicia (ACEESCA, ASPADISI, ASPANAEX, ASPAS, ASPNAIS, ASPRONAGA, Asociación Fonte da Virxe, JUAN XXIII, PAI MENNI e PRODEME). Todos eles reuníronse para reflexionar sobre o seu papel na familia e na vida asociativa.
 
O presidente da Federación, Eladio Fernández Pérez, acompañado de Carmela González Lagarón (vocal de FADEMGA e membro da UDS de Familias) agradeceron aos asistentes a boa acollida deste proxecto, e afirmaron que “o futuro do movemento asociativo está nos irmáns e nas familias xóvenes”.
 
Este ano as protagonistas do Encontro foron as emocións, a influencia que estas teñen nas nosas vidas e a importancia da comunicación familiar. Para elo celebráronse varios relatorios como “Que son as emocións e como inflúen nas nosas vidas” a cargo de Alejandro Bello (experto en emocións do centro de terapias “estouche ben”) e “Un pequeno experimento emocional (a dinámica das emocións). Durante a tarde, os relatorios deron paso a obradoiros onde os irmáns debatiron sobre o seu papel na familia e no movemento asociativo, poñendo en común opinións e compartindo experiencias.

Ao finalizar o Encontro, tódolos asistentes fixáronse compromisos para cumplir durante o ano, como a constitución de novos grupos de irmáns nas entidades, a participar asiduamente nas reunións do Grupo de Irmáns da Federación ou aplicar as dinámicas aprendidas no Encontro na súa vida diaria.
 
Ser irmán dunha persoa con discapacidade intelectual, é unha circunstancia complexa na que afecto e responsabilidade van unidas. Por elo, os familiares das persoas con este tipo de discapacidade precisan información e vías de participación nas organización que os representan, co fin de manter e de fomentar unha estrutura de apoio mutuo.